Nohh... bara fredin!

2003-12-11T19:58:00.000Z

8-l... Fór á Muse í gær og var svona á svipinn allan tímann... orðlaus af hrifningu!
Já, það var vel þess virði að sitja í fjóra klukkutíma í tölvunni í hálfvonlausri leit að miða, en miðann fann ég og fékk hann afhendan rétt áður en ég steig inn í höllina. Kári á heiður skilið fyrir að hafa skipað mér að fara þegar ég var við það að beila... orðin leið á leitinni. En ég sé sko ekki eftir því að hafa farið, og nú everður gerður stórleiðangur í skífuna þar sem Abolution verður keyptur.
Ég hef ekki mikið meira að segja... nema kannski benda á það að ég á þrjú próf eftir...

2003-12-09T19:37:00.000Z

Enskupróf eða dauði?
Svarið er enskupróf.
Ég hef aldrei á ævi minni farið í svona létt enskupróf, þó að glósukunnáttan hafi mátt vera betri :/. Árangurinn orsakaðist sennilega af nettu taugaáfalli sem ég fékk um hálf tólf í gærkvöldi, þar sem ég var þess fullviss að ég ætti eftir að falla til dauða. Ég lærði því eins og brjálæðingur til þrjú og mætti "fersk" í skólann. Þá var það líka góðs viti að engin útvötnun átti sér stað þennan daginn... en við eigum nú eftir efnafræðipróf, svo að það er ekki öll von úti fyrir þá sem vilja sjá tár falla. Gaman.

Framkvæmdi smá áhugavert og einstaklega þroskað tjékk um helgina. Fór inná síður hjá fimm skólafélögum í menntaskólum á höfuðborgrsvæðinu, MR, Kvennó, mh, MK og ví og gerði óvísindalega könnun á því í hvaða skóla sætustu strákarnir væru eiginlega. Á hverri síðu voru 50 strákar valdir af handahófi og flokkaðir eftir því hvort að útlitið var með þeim eður ei (stal þessari hugmynd frá bekkjarbræðrum mínum sem eru frekar iðnir við að framkvæma svona "gellutjékk" í frímó).
Niðurstöður voru eftirfarandi:

1. Kvennó: 35/50 - gott kaffi þar á ferð... hata ekki Kvennóböllin, þó að þeir mættu vera fleiri strákarnir
2. verzló: 29/50 - skammast mín hálfgert fyrir það... en ég er bara mannleg! Verst að þeir eru ekkert fyrir stelpur þarna...
3. MR: 26/50 - sóttu hart að ví, kannski ástæðan fyrir því að þeir sigruðu ekki að ég gerði það viljandi að velja ekki stráka sem ég þekki... þá hefðum við rústað þessu!
4. MK: 21/50 - ágætis framistaða... en þó nokkuð undir meðaltali (sem ég nennti ekki að reikna en skellti því bara á 25)
5. mh: 17/50 - gengur ekki! Alltof alltof alltof mikið af síðhærðum strákum, sumir sætir en sumir ekki... það skal tekið fram að allir fyrrverandi Ölduskælingar í fyrsta bekk voru ekki teknir til skoðunar.

Ég tel þessar niðurstöður lýsandi fyrir hvern skóla... og tek þær einstaklega trúanlega og kem til með að fara mikið eftir þeim í sambandi við val á böllum í framtíðinni.

En nú skal ég hverfa aftur á braut íslenskra fræða... því að það... er næsta próf...

2003-12-08T11:54:00.000Z

Stærðfræðipróf eða dauði?
Svarið er dauði.
Reynda eru MR-ísku stærðfræðiprófin uppáskrift á dauða, en það er betra að láta sig hafa dauðann strax og sleppa við hann hægan og hvalarfullan eins og ef maður velur stærðfræðiprófið. Ég valdi samt hæga dauðann áðan... og well, ég er svo gott sem dáin andlega. En lítum nú á björtu hliðarnar! "Bara" sex próf eftir, og öll ættu að vera sæmilega þægileg.. nema kannski stafsetningin.

Ég gerðist háð enn einu fm-laginu um helgina, en viðkomandi lag er Fuck it með Eamon. Ég mæli með því að fólk hlusti á það annað hvort mjög fullt eða mjög reitt, hef reyndar bara prófað það síðara en ég efast ekki um að það sé tæmandi að öskra svolítið með þessu í hinu ástandinu.

ég er farin að keyra og keyra og keyra og keyra... rétt rúmur mánuður í bílpróf og ég um það bil að falla á tíma! Ég er ekki bjartsýn... æ það er stærfðfræðiprófinu áðan að kenna.

Kári, ef þú kemur með komment um að stærðfræðin í MH sé miklu skemmtilegri eða e-ð svoleiðis og að ég eigi bara að skipta... þá kem ég og bít þig.

Ég er farin að halda áfram að horfa í tómu augun sem stara á mig í speglinum... góða nótt.

2003-12-03T19:14:00.000Z

Vá... mannát er ekki bannað í Þýskalandi... mig langar ekki til Þýskalands í sumarfrí

2003-12-03T19:11:00.000Z

Samtal sem ég átti við Erlu í símann klukkan hálf níu í morgun:
Sími: Hringi hringi hring (er reyndar með Clocks með Coldplay sem hringitón)
Anna (sofandi): Huhh?
Erla (móðurlegri rödd): Wake up sleepyhead!
Anna (sofandi): Huhh?
Erla: Þú ætlar að fara að læra núna!
Anna (sofandi): Umm... huhh?
Erla: Ég ætlaði bara að vekja þig!
Anna: ummblafjfgu... ætla að sofa til níu... ulanbkkvja.
Erla: Ókei, ég hringi klukkan níu.
Anna (til samþykkis): Fju.

Vúhú! Það er kominn desember... ég væri í meiri stemmningu ef ég væri ekki að fara í sögupróf á morgun. Ég er búin að vera að lesa frá klukkan níu í morgun og ef ég lít upp úr bókinni og á mótlægan vegg sé ég textann sem ég var að lesa á honum. Ég tók mér samt langþráð hlé klukkan svona tvö og fór í sturtu, þar sem ég endaði á að vera í fjörtíu mínútur vegna þess að ég var svo upptekin að því að rifja upp það sem ég var að lesa... ég líktist rúsínu þegar ég steig úr sturtuklefanum. Ég er ekki búin að læra, ónei, ég á heilar sjö helvítis blaðsíður eftir sem fjalla um helleníska menningu Forn-Grikkja, akkúrat núna gæti mér ekki verið meira sama hvaða stílbrögðum kvikindin beittu eða hver upphafsmaður stóuspekinnar var... en ef ég ætla að halda haus í þessu prófi á morgun og reyna að brotna ekki saman og fara að gráta (sem væri sennilega vinsælt hjá viðstöddum) verð ég víst að láta mig hafa það að lesa.

Ég náði nýlega í æfingaleyfið... það er eini ljósi punkturinn í tilverunni þessa stundina, ásamt jólaballinu 17. des og afmælisteitinu þeirra Ingu, Rósu og Steinars 20. des, en aftur á móti er ég að fara í bílprófið 22. des svo að ég reikna með því að jólaskapinu verði frestað fram yfir áramót.

Svo er ég að fara í klippingu 17. des svo að ég verð bara svaka fín á jólaballinu. Ég pantaði hjá hinum talsjúka Björgvin sem á sennilega eftir að gera e-r kraftaverk á meðan hann segir mér frá fyrstu sjö árum í lífi sonar síns (hann er búinn að fara í gegnum sína eigin ævisögu svo og ævisögu og ættartölu kærustunnar sinnar). Reyndar bauðst Erla til að klippa mig, í e-u gríni, en hún hætti snögglega að hlæja þegar hún sá svipinn á mér... enginn nema hálærður meistari kemur nálægt mínu hári með skæri... bara svo að þið vitið það

Ég biðst afsökunar á einkar þunglyndislegu bloggi, en við hverju getur fólk búist af manneskju sem er búin að vera að lesa sögubók í ég-get-ekki-einu-sinni-reiknað-út-hve-langan-tíma... ha?

2003-11-30T15:14:00.000Z

"There are some who call me... Tim"
Jáhh, ég horfði á Holy Grail með Monty Python í góðum félagsskap í gær... við ætluðum gjörsamlega að hlæja okkur máttlaus og ég get svarið að á tímabili vorum við næstum hrunin í gólfið! Það sem þessi hópur getur gert fyndið... eins og hóp af syngjandi munkum sem labbar um göturnar og lemja sjálfa sig með spítum í hausinn! Gaman að því...

Í rauninni ætti ég ekkert að vera að blogga núna... heldur ætti ég að vera að læra. Ég sé fyrir mér alla menntskælinga landsins sitja hálfgrátandi yfir námsbókunum og fæ eiginlega samviskubit yfir því að vera ekki að grenja með þeim. Það er kannski líka gaman að segja frá því að ég féll á undirbúningsprófinu fyrir stafsetninguna... eða svona því sem næst, ein villa í viðbót og ég hefði farið í biðeinkunn ef þetta hefði verið jólapróf. Þetta er samt svo skrítið, mér hefur alltaf gengið frekar vel í stafsetningu (augljóslega þangað til núna) en núna er eins og að ég gleymi heilbrigði skynsemi heima hjá mér og skrifi tvö -n í endanum á "skemmtun"... sem er auðvitað tómt kjaftæði!

Kúluskítarnir mínir eru orðnir heimilislausir og verð að láta sér nægja að búa í salatskál uppí eldhúsi á meðan ég kaupi hentugra ílát. Ég vatt mér sem sagt í stórhreingerningu á herberginu mínu í gær (af því að ég átti nú að vera að læra fyrir próf), og þar sem það var lítið sem ekkert vatn í skálinni hjá kúluskítunum og sá stærsti farinn að mygla ákvað ég að það væri bara ágætt að að henda þeim í bað og þrífa skálina (þar sem gullfiskurinn Skapti bjó eitt sinn). Ég skellti liðinu upp í eldhús og tók til við að sápuþvo skálina á meðan skítarnir svömluðu glaðir og ánægðir í plastskál, sá stærsti feginn að vera búinn að losna við mygluskánina. Vatnið sem ég þvoði upp úr var sennilega of heitt því að skálin gjörsamlega splundraðist í vaskinum og glerbrotinn þutu í allar áttir. Náttúruverndarsinninn sem ég nú er ákvað að það væri nú ekkert sniðugt að henda skálinni alsápugri út í tunnu (óminnug þess að sápan sem ég var að skola skvettist auðvitað bara beint út í sjó) og fannst því sniðugast að skola hana alveg af. Ég var búin að stinga mig sex sinnum og næstum því búin að aflima þrjá putta þegar ég loksins gafst upp og henti skálinni, allri löðrandi í sápu. Kúluskítarnir vissu ekki hvaðan á sig stóð veðrið þegar ég henti þeim fúl ofan í ómerkilegu salatskálina... þeir eru eitthvað móðgaðir því að þeir neita að sökkva til botns eins og þeir eiga að gera, .eir fljóta bara þaran við yfirborðið og eru með stæla.

Amma mín heillin varð áttræð í vikunni sem leið og hélt öll stórfjölskyldan noðrur í afmæli um helgina (nema auðtvitað ég því að ég var að læra fyrir próf). Ég var því heima og hafði það náðugt með sögubókinni... hefði samt getað hugsað mér hlýlegri félagsskap.

Þetta gengur ekki lengur... ég er farin að læra

2003-11-25T16:04:00.000Z

Ég var við það að hefja þýskulærdóm við skrifborðið mitt (já VIÐ skrifborðið, það er ekki pláss Á því fyrir fötum) og setti Sálina í tækið. Ég lagðist sem sagt á gólfið með bækurnar fyrir framan mig og lagði hausinn á vinstri blaðsíðuna á meðan ég var að gera verkefni á þeirri hægri. Ég var einstaklega afslöppuð að hlusta á mína tónlist og bulla tóma þvælu í þýskunni þegar ég hef sennilega sofnað, sem er nú reyndar ekkert nýtt undir sólinni. Nema hvað, að þegar égg loksins vakna, eftir rúma tvo tíma þarna á gólfinu var ég með versta verk í bakinu sem sögur fara af á 16 ára stelpu. Ég staulaðist sem sagt upp af gólfinu og ákvað í mínu mesta sakleysi að líta í spegil... ég æpti... við mér blasti 16 ára stelpan með bakverkinn sem með undraverðum hætti hafði tekist að lita alla vinsrti hlið andlitsins svarta, ég hafði sem sagt verið að glósa þýskufjandann með svörtum blekpenna svona hálfri mínútu áður en ég lagði mig á blaðsíðuna. Það tók mig nokkurn tíma að komast yfir áfallið og þvo blekið framan úr mér... ég hélt svo bara áfram að sofa.

Fór og sótti um æfingaleyfi í dag og á að koma og ná í það á fimmtudaginn. Ég stefni líka á að taka skriflega prófið í kringum 20. desember. Þá eru bara nokkrar vikur þangað til að ljóshærða villidýrið kemst á göturnar... og þá meiga sko allir ljósastaurar, hjólreiðamenn og bílar sem eru viðstaddir þegar ég bakka inn og út úr stæðum, fara að vara sig!

Ég fór í bíó á laugardagskvöldið í fyrsta skiptið í margar margar vikur, og var var tilefnið eitthvað sem var svo merkilegt að ég man ekki lengur hvað það var. Eydís kom krúsandi á Toyotunni hans pabba síns að ná í mig (auðvitað með hana Rögnu í framsætinu) og var ég á báðum áttum hvort ég ætti að setjast upp í bílinn eða láta mig hafa það að labba bara niðrettir og missa af fyrstu fimm mínútunum af myndinni (en halda þó lífi í staðinn)... eftir miklar vangaveltur valdi ég þó fyrri kostinn og treysti því algjörlega á Rögnu til að halda í mér lífinu. Myndin var góð, enda með Sean Penn, fyrrverandi Mr. Madonna og Kevin Bacon (er það ekki skrifað svona? Jæja, maðurinn heitir allavega það sama og svínafleskið), betur þekktum sem Mr. Footloose, en Eydísarmamma sagði okkur einmitt ansi skemmtilega sögu af því þegar hún og vinkona hennar sáu Mr. Footloose í eigin persónu á líkamsræktarstöð í Kaliforníu... jáhh, hún Ragna er mamma með reynslu! Gaman.

Ég þarf að fá mér nýtt rúm, og þá meina ég stærra nýtt rúm... ég rökstyð það með því að þegar ég vakna ligg ég oftast annað hvort klesst upp við vegginn eða alveg á brúninni á rúminu, ég þakka bara fyrir (ja, eða svona upp að vissu marki ;)) að ég skuli ekki deila rúminu með srták svona að staðaldri, því að ég er viss um að hann væri örugglega kominn á gólfið med det samme. Herbergið mitt býður svo sem ekki upp á neitt mjög mikið pláss til að auka við rúmstærðina og ef ég kaupi mér queen size rúm yrði það sennilega eina húsgagnið sem kæmist inn í herbergið... en, annað hvort kaupi ég stærra rúm eða það endar með því að ég stórskadda sjálfa mig með því að velta út úr rúminu.

Heeeyyyy yaaaaa... þetta lag er vanabindandi. Gaman.

Helgin sem var að líða var síðasta helgin áður en prófalesturinn hefst... *grát*

Kári sæti er kominn með blogg! E-ð sem allir hafa beðið eftir... hér er listi yfir væntanlega fastagesti á Bossabarninu:

ég
Forsetinn
Herbert Guðmundsson
Leoncie
Gísli Marteinn
Kári sjálfur
Geirfinnur
Sólbaðsstofuræninginn
Gummi Óskar (þar sem ég veit fyrirfram að hann les bloggið :P)
Íslenskukennarinn hans Kára
Íslenskukennarinn minn
Barbapabbi
Íris Björk Árnadóttir
Tom Cruise... þ.e.a.s. ef hann kynni íslensku (spurning hvort að Kári gerist ekki bara alþjóðlegur og bloggi á ensku!)
þú (samt ekki alveg víst)
og margir margir fleiri

Já Kári er yndi

2003-11-08T18:22:00.000Z

Freedome! I won't let you down, I will not give you up... frábært lag sem lýsir akkúrat skapinu sem ég er í núna :)

Kvennóballið var á fimmtudaginn og ég var í klassastuði læk júsjúal. Fór sem sagt í fyrirpartý einhversstaðar í Vesturbænum með Ingu og vinkonum hennar og skemmti mér bara nokkuð vel, þetta partý stóð sig allavega vel í því að koma mér í stemmningu!

Ballið sjálft var frábært! Millarnir stóðu sig frábærlega og Palli ætlaði gjörsamlega að trylla alla þegar hann tók að hrista þennan æðislega rass og syngja Livin' la vi da Loca með Ricky Martin. ég eyddi hins vega mestum tíma uppá efri hæðinni þar sem DJ-inn ætlaðist til að fólk fengi hjartaáfall af því að dansa. Þarna vorum sem sagt ég (fyrir löngu búin að týna Ingu), Eydís, Fannar, Aríel og vinur Aríels gjörsamlega að tapa okkur á dansgólfinu, en hápunkturinn var sjálfsagt þegar ég og Aríel tókum "Eitt lag enn"-júróvísjónatriðið með Stjórninni, með snúningum og öllu :D Jáh, ég þetta var bara næstum því jafn skemmtilegt og busaballið hjá Kvennó... en ég fer aldrei ofan af .eirri skoðun minni að Moonboots hefðu átt að vera á þessu balli líka! Það var samt einn galli á þessu öllu saman.... alltof, alltof, alltof lítið af strákum! Mátti svo sem ekki búast við miklu á balli hjá KVENNAskólanum... en svona fyrir alvöru þá var dansgólfið orðið að einhverri sléttu í Afríku og "meitíng sísonið" í fullum gangi (kannski ástæðan fyrir því að við síngúl fólkði fórum bara upp :D).

Svo mætti ég fersk í skólann daginn eftir, eftir að hafa sofið í einn og hálfan klukkutíma. Hlaut svo skammir frá hinni yndislegu ólöfu esnkukennara þegar ég lognaðist útaf á borðinu mínu... þetta fólk sýnir sko enga tillitssemi!

2003-11-05T18:07:00.000Z

Vúvh!
Það er bara orðið vinsælt að fá eitthvða skrifað um sig hérna :) það ískrar í henni Írisi að fá sinn skerf af línum hérna! Gott ef að fólk eins og Tom Cruise, Brad Pitt (*slef*) og Julia Roberts fari ekki að láta á sér kræla með það líka... annars verð ég bara hissa sko ;o)

2003-11-05T14:27:00.000Z

Aha aha aha...
KVENNÓBALL Á MORGUN! Svo ég taki nú stærðfræðina á þetta þá er sem sagt miðvikudagur í dag, sem þýðir að það er KVENNÓBALL á morgun og bara tveir dagar í helgi... :oD

Annars eru fyrrverandi skólabræður mínir í Svitabandinu, þeir Hjörtur, Rúnar, Gummi, Halldór og Addi, að fara að hita upp fyrir Stjórnina (Æi, Sigga Beinteins og Grétar Örvars eru í henni... sungu "Eitt lag enn" í Júróvísjón! Muniðið? ;o)) á verzlóballi (já með litlu vaffi) MH á Pravda í kvöld. Ég ætla ekki að mæta þó ég væri alveg til í að tjútta svolítið við fagra tóna Bandsins langt fram á nótt, vegna þess að þó ég hafi nú úthald held ég að ég meiki ekki tvö böll tvö kvöld í röð... ég er ekki últrakvendið :oP

Elli, Biggi og Eysi (aðallega Elli samt :oP) urðu eitthvað sárir áðan þegar þeir sáu að það stóð nákvæmlega ekki neitt um þá á þessari síðu... ég lofa að laga það seinna þegar ég hef frá einhverju sniðugu að segja um þá :o)

That was the skammtur for the day...

PS: Kári, hættu að böggast alltaf um þennan MR-hroka! Hann er ekki til! Við í MR erum ekki hrokafull... við erum fullkomin!

PS 2: Er ennþá með þetta Musa lag á heilanum! Dem...

2003-11-04T17:07:00.000Z

Úh! Úh!
Hef verið að pæla í því hvert leið mín skal liggja um helgina... hér eru drök að plönum:

Plan helgarinnar:

fimmtudagur (jú víst, fimmtudagur er tekinn með sem helgi :P): KVENNÓBALL... og það er alveg öruggt og bannað að breyta. Inga ætlar að plögga fyrirpartý og svo verð ég bara að mæta eldhress í stærðfræði morguninn eftir!

föstudagur, kostur I: Legg mig fram að kvöldmat. Kíki svo í bíó.
föstudagur, kostur II: Legg mig í klukkutíma, og sit svo heima um kvöldið, kúri og horfi á spólu.
föstudagur, kostur III: Legg mig þegar ég kem heim úr skólanum... kíki svo í partý um kvöldið.

laugardgaur: pretty much sömu kostir og á föstudeginum...

Hvað skal gjöra? Hjálp þegin :) Úh! Sjeikinn tilbúinn!
Wishes *

PS: Ég er ennþá í roknastuði!

PS 2: Ég er með e-ð Muse-lag á heilanum sem ég losna ekki við! Dem..

2003-11-04T17:00:00.000Z

Weeee!!!!!!
Ég er í geeeðveikt góðu skapi í dag! Ótrúlegt en satt!
Weeee!!!!!!
Fólk hefur annars verið að kvarta yfir tvennu:

- Að ég skrifi alltof mikið um MR

- Að ég sé ekki nógu dugleg að blogga

Svör við kvörtunum:

- Ég skrifa eins mikið um MR og mér sýnist :D enda er þetta frábær skóli... en ég ætla samt að gera ykkur þann greiða að minka það kannski pínu oggupons

- Ég blogga þegar ég nenni því... og ég nenni því sjaldan. Svo hef ég öðrum hnöppum að hneppa *stoltur svipur*

Var að komast að því að ég á nokkrar uppáhaldspersónur í bekknum (já ég geri upp á milli ;))... en þið hin sem ekki eruð það, ekki örvænta! Því mútur eru vel þegin ;)
ÍÍÍÍÍ þetta er snilldardagur! Aldrei þessu vant tými ég bara ekki að leggja mig... ég ætla að fara og búa mér til sjeik
Weeee!!!!!!

2003-10-28T12:15:00.000Z

Gaman gaman! Fengum að fara fyrr úr sögutíma og nú sit ég hér við tölvuna í stofu c.252 að "bíða" eftir því að Beggi stærðfræðikennari láti sjá sig. Búinn að vera ansi skemmtilegur dagur (miðað við að klukkan er bara tólf)... byrjaði hann á því að flöbba í sagnaprófi í íslensku og á sennilega von á barsmíðum frá Ingu efnafræðikennara fyrir að vera ekki ennþá búin með heimadæmin. Annars er ekkert merkilegt að frétta... nema... jú! Ég er byrjuð að læra á bíl, búin að fara í sjö tíma og æfingaleyfið á leiðinni :D ég er blessunarlega laus við allan misskilning um hvort er vinstri og hvort er hægri, en það ætti hún Eýdís að kannast við ;). Benzinn hans Palla ökukennara er líka laus við allar skrámur, þó ég hafi tvisvar fengið að bakka út úr stæði og einu sinni næstum því sleikt öskubíl með hægri hliðinni á þessari elsku. En jæja... ég ætla að fara og blanda geði við almúgann áður en ég verð talin geðveik... sem sagt ætla aðfara að tala við restina af bekknum.

2003-10-10T13:56:00.000Z

Vaknaði við sms frá minni ástkæru móður sem er þessa stundina stödd í Edinborg ástamt um það bil tuttugu öðrum konum í verslunar- og árshátíðarleiðangri. Í þessu ágæta sms-i taldi móðir mín upp það sem henni hafði hlotnast sem uppfyllingu í fataskápinn minn auk þeirra upplýsinga að hún væri á leiðinni að kaupa árshátíðarkjól á mig :D mamma er yndisleg. Á mánudaginn get ég sem sagt baðað mig í nýjum fötum og haldið glöð niðrí Kringlu í leit að skóm (jibbý jibbý! Alltaf gaman að kaupa skó :P). Annars gæti ég alveg farið núna um helgina, heilsan er öll að koma til, en læknabálfinn á heilsugæslustöðinni bannaði mér það og það er víst manni fyrir bestu að hlýða honum.
//
Af hverju vantar kommentakerfið algjörlega inná síðuna þessa dagana? Ég er búin að vera að fárast yfir þessu síðan ég veit ekki hvenær og svo bara hættir það allt í einu að láta sjá sig!
//
Ég vil minna á umræðuvef Framtíðarinnar en þar getið þið sem standið fyrir utan hið guðdómlega samfélag Menntaskólans (nei sæl ungfrú Hroki!) skyggnst, þó ekki væri nema í stutta stund, inn í hugarheim snillinganna sem hann sækja.

2003-10-08T18:42:00.000Z

*Pirr pirr pirr* ég er ennþá lasin og má víst ekki stíga út fyrir hússins dyr fyrr en í fyrsta lagi á sunnudaginn! Ég er gjörsamlega að farast úr leiðindum og hef komist að því að skólinn er bara alls ekkert svo slæmur hvað afþreyingu varðar.
//
Ég var að spá í að beila á Rumputuska og stofna til nýs bloggs undir adressunni "uberkvendid", en nafngiftin er komin frá honum Kára. Ég hætti þó við þegar ég uppgvötvaði að ég þyrfti að ganga í gegnum allt ruglið með gestabókina og kommentakerfið og allt það, en það var í raun og veru bara heppni að ég skuli hafa getað skellt því inná þetta blogg, sú tæknifatlaða manneskja sem ég nú er. Svo að því miður verðið þið bara að sætta ykkur við þetta blogg þangað til ég finn einvhern til að búa til eitthvað almennilegt fyrir mig.
//
Ég skipti um lit eftir að ég hætti við að skipta um síðu. Í öllum hamaganginum virtist gestabókin fá einhvern sviðskrekk og neitar linkurinn á hana að birtast nema í lit sem er svo líkur rauða lit síðunnar að hann er næstum því sá sami. Gestabókin er því á svæðinu... þið verðið bara að finna hana :P

2003-10-06T12:22:00.000Z

Ahh... ég sit hérna heima hjá mér með stíflað nef og hálsbólgu á meðan mætingareinkunn mín í MR hríðlækkar á 40 mínútna fresti. Ég ætlaði að nota tímann og læra fyrir jarðfræðipróf, en gafst upp þegar ég fattaði að ég skildi bara ekki neitt sem stóð í textanum :/ ég settist því fyrir framan tölvuna og fór að blogga svona til tilbreytingar, enda nokkuð langt síðan að ég gerði það síðast.
//
MR hélt í hefðirnar að vanda og rústaði MR-ví deginum! MR tapaði aðeins þrem keppnisgreinum (minnir mig), golfi, reipitogi kvenna og róðri kvenna... okkur var alveg sama því að gol er íþrótt fyrir plebba (nema hann Óli bekkjarbróðir er ekki plebbi :P) og tapið í róðrinum og reipitoginu sýndi aðeins það sem við höfum alltaf vitað: Verzló er ekki bara uppeldisstöð fyrir hnakka, heldur líka fyrir jussur! En MR vann allt sem skiptir máli, þar á meðal ræðukeppnina!
//
Fyrri árshátíð MR verður haldin 16. október á Broadway og gerðist ég svo frökk að skrá mig í skreytingarnefnd fyrir herlegheitin, eins og reyndar svo margir aðrir 3. bekkingar gerðu. Ég hef þó ekki séð mér fært að mæta nema á síðasta fimmtudag, aðallega vegna vinnu og annarra atburða sem ekki verður farið nánar útí hér :P
//
Ég fékk 10 í stafsetningaræfingu í síðustu viku! Svo er ég líka á hraðri leið uppávið í stærðfræði... jáh, þetta er allt að koma.
//
Mamma er í brunavarnaátaki á heimilinu... nú skulu öll rafmagnstæki tekin úr sambandi eftir notkun og í kvöld er von á manni frá tryggingafélaginu til að skella einvherjum eldvarnarofa í sjónvarpið (ég er sem sagt ekki að fara að horfa á sjónvarpið í kvöld). Ástæðan fyrir þessu panikki í konunni er sú að það kviknaði í hjá henni Soffíu, familívinkonunni, útfrá sjónvarpi og var íbúðin strýpuð niður í nekt á nokkrum klukkutímum á laugardagskvöldið, einfaldlega vegna þess að öll íbúðin var útí sóti. Sem sagt... enginn eldur sem fær að lifa á mínu heimili.
//
Jæja... nú er nóg komið :D

2003-09-21T17:34:00.000Z

Það er ár síðan að Geisli dó í dag.

2003-09-21T17:27:00.000Z

Þetta er ömurlegur dagur!
Ég vaknaði upp með hálsbólgu og ískaldar tær við símhringingu frá heni Ingu, þess efnis að ég væri boðuð heim til hennar að klára íslenskuverkefni sem skila á á morgun... allt í lagi með það. Ég fer og vinn þetta líka magnaða verkefni, en svo kemur að því einsog hjá öllu öðru fólki að ég þurfti að fara heim og klára afganginn af heimalærdómnum. Ekki nóg með að úti væri drullukalt og ég illa klædd heldur missti ég tvisvar af strætó og tók svo einn vitlausan bara svona til að kóróna allt saman. Það var farið að reyna verulega á andlegt heilbrigði mitt þegar ég loksins komst upp á Seljbraut, þegar ég fattaði að ég hafði gleymt lyklum og kæmist ekki með nokkru móti inn á mitt eigið heimili, þá ætlaði ég að hringja í mömmu en komst að því mér til mikillar lukku að ég var orðin innistæðulaus. Ég bankaði því uppá hjá nágrannanum og fékk að nota símann hjá þeim. Mamma kom eftir svona tuttugu mínútur og opnaði fyrir mér, lítandi út einsog hæna með hárið útí allar áttir. Þegar inn kom tók ég til við námið, en komst að þeirri niðurstöðu að ég gæti ekkert lært vegna pirrings. Þá fór ég á netið og komst að því að msn-ið hjá mér er bilað svo að ég virðist alltaf vera á away. Hérna sit ég sem sagt grautfúl og pirruð og blogga, bara til að skeyta skapi mínu á einhverju. Núna ætla ég því að fleygja mér upp í rúm og leggjast í þunglyndi...

2003-09-17T16:12:00.000Z

Ég er orðlaus af spenningi! Busadagurinn er á morgun.
//
Ég fann loksins buxur! Dökkbláar Diesel-buxur í stærð númer 10 (í breskum) :D stórmekrkilegt alveg.
//
Vaaaáááá hvað ég hef frá litlu að segja... hætti bara núna

2003-09-15T19:48:00.001Z

Já og á meðan ég man...

...það er EKKI nördalegt að vera í aðdáendaklúbb :P

...verð á brjóstastækkunum hefur hækkað, ég er ekki klár á réttu verði þessa stundina.

...Birgitta Haukdal og Hanni eru hætt saman! Já, grátið ykkur í svefn...

2003-09-15T19:37:00.000Z

Ég er í svakalega góðu skapi. Velti því fyrir mér hvort það sé lúrnum sem ég tók áðan að þakka. Núna sit ég hér með bros á vör og blogga ykkur til skemmtunar! Ég er búin að tryggja mér miða á busballið í MR, en sjaldan hef ég séð svo vel úrfærðan og frumlegan miða á ball, þetta er svona einsog gömul smáskífa af vínylgerðinni... ekkert smá flott. DJ Páll Óskar á víst að trylla okkur á dansgólfinu, en ég og Eydís erum víst "hardcore" Pallafanar (fan í fleirtölu :P) og erum alveg að kafna úr spenningi.
//
Afmælistónleikar Sálarinnar verða haldnir á uppáhaldsstað menntaskælingsins, Nasa, þann 25. september. Á þessum tónleikum ætla þeir víst að spila gömul lög í einskonar unpluged útsetningu, en ætla sér samt ekki að endurtaka 12. ágúst-æðið heldur nota rafmagnið að svo miklu leiti sem þörf krefur. Ég ætla að sjálfsögðu að reyna að mæta, en samt læðist að mér sá grunur að ekki verði mér hleypt úr foreldrahúsum nema að þaulreynd systir mín ásamt kærasta fylgi mér, líkurnar eru því litlar á að planið takist vegna þess að þau gerast sek um að búa á Húsávík :P... Annars er ég loksins (já loksins loksins!) gengin í aðdáendaklúbb tengdum Sálinni, og þótti sumum kominn tími til. Félagsskapurinn heitir Gullna liðið og er ég í skýjunum yfir því að fá að vera "sál#241". Annars er rétt rúmur mánuður í nýja geisladiskinn með þessum elskum, en hann er upptaka af tónleikunum með Sinfóníunni, þar sem ég var by the way viðstödd.
//
Engar fleiri fréttir að sinni. Bíst ekki við að blogga aftur fyrr en í fyrsta lagi á laugardaginn... en bara ef ég nenni...

2003-09-11T10:59:00.000Z

Myndirnar af busaballinu í Kvennó eru komnar á síðu Nemendafélags Kvennó. Engar myndir af mér er að finna, nema tvær í "Busapartíin" og þökkum við guði fyrir það (er haggi?). Myndirnar er semsagt að finna hér.

2003-09-10T15:42:00.000Z

Jæja... þá er það afstaðið! Busaball Kvennaskólans var haldið í gær með pompi og prakt á NASA, og var alveg rokkna stemmning á liðinu. Hljómsveitin Moonboots kom á óvart, en hún spilar aðeins þá tónlist er kennd er við "eighties" (já eða "Eydís" :D), en svona til gamans þá var þetta síðasta ballið sem þeir félagar spiluðu á. Ég skemmti mér alveg konunglega á þessu fyrsta menntaskólaballi mínu, en var þó frekar þreytt í skólanum í dag eftir að hafa tjúttað, tvistað (...til að gleyma ;)) og hrist rassinn "fram á nótt" (eða þannig). Þá er ekki neitt annað í stöðunni en að bíða bara spennt eftir aðalballinu sem verður á fimmtudaginn í næstu viku... takið stemmninguna á Kvennóballinu, margfaldið með svona 169000 og þá fáiði út væntanlegan skemmtunarstuðul á MR-ballinu, en eins og ég sagði hérna í einhverju blogginu þá erum við über-bekkurinn 3.J á leiðinni í partí til 6.R!
//
Ég ætla að fara að leggja mig
//
Boðskapur dagsins (sem ég er annars að pæla í að leggja niður, þetta er orðið soldið þreytt): Sjúbb sjúbb sjarei!

2003-09-07T21:48:00.000Z

Þá er þessi sunnudagur að kveldi komin og ég get með stolti sagt að ég gerði ekki nokkurn skapaðan hlut í dag! Ég er nebblega ennþá eilítið slöpp og af þeim sökum mætti ég ekki til vinnu einsog fyrirætlanir sögðu til um. Mér er búið að leiðast alveg hryllilega og hef hangið í tölvunni í mestallan dag :/
//
Ég vil nota tækifærið og óska honum Hirti MH-ing til hamingju með að vera loksins komin í tölu sextán ára fólksins! Þetta er gríðarstór áfangi og meigium við vænta þess að næst þegar við hittum Hjört mæti okkur þroskaðri, eilítið hávaxnari drengur (ekki maður... það er enn langt í það) sem hefur leifi til að fara í bíó á mynd sem er bönnuð innan 16 án fylgdar forráðamanns, og má fara að byrja að læra á bíl! Enn og aftur... til hamingju Hjörtur!
//
Boðskapur dagsins: Illt er að vera veik um helgi

2003-09-06T20:51:00.000Z

Þá er kominn laugardagur og ég strandaglópur á eigin heimili vegna veikinda. Ég fór í skólann í gær þótt veik væri, og tókst í fyrsta skipti á ævinni að sofna í dönskutíma. Núna langar mig meira en allt annað í bíó á American Wedding... en það má víst ekki ef ég ætla að vera orðin hress á mánudaginn.
//
Busakvöldið í MR var haldið á miðvikudag í Cösu, en þar voru skólafélögin tvö, Skólafélagið og Framtíðin, ásamt undirfélögum kinnt. Margt áhugavert og skemmtilegt bar fyrir augu, m.a. dansaði þar fulltrúi eins undirfélagsins rykk-kenndan költdans með Michael Jackson ívafi í hænubúningi og kvaðst að honum loknum bara vera að grínast því að hann væri MH-ingur. Nokrir busar voru kallaðir upp og látnir gera ýmsar hundakúnstir, en framganga Róðrarfélagsins undir stjórn Ásgeirs Le-Pre gekk víst fram af nokkrum (en þó ekki mér) og fengum við busarnir senda formlega afsökunarbeyðni daginn eftir ásamt því að Ágúst sagði af sér sem Le-Pre... það fannst mér í raun óþarfi, en þetta sýnir bara hvað MR-ingar eru siðfágaðir.
//
Það eru aðeins tólf dagar í Tolleringardaginn (Busadaginn á ófágaðri almmenningstungu) með tilheyrandi húllumhæi, en überbekkurinn 6.R er búinn að bjóða mínum bekk til sín í fyrirpartí! Svo er ég líka að fara á busaball Kvennó á þriðjudaginn með það í huga að dansa af mér rænu og vitund og mæta svo eldhress í stærðfræðipróf klukkan átta daginn eftir!
//
Boðskapur dagsins: Það er ekkert grín að vera busi... oseiseinei

2003-09-01T16:03:00.000Z

Life is life! Nanananana. Life is life! Nanananana... þetta lag var í útvarpinu, alveg frábært.
//
Ég fór í skólann í morgun, svona einsog venjulegur busa-MR-ingur gerir, en tókst þó að sofa yfir mig í um hálftíma (þó að mamma hafi reyndar uppástaðið það að hafa vakið mig í heil þrjú skipti... ég man notturlega ekkert eftir því :/). En allaveg var svaka stuð einsog í síðustu viku, enda erum við í bekknum farin að kinnast aðeins betur og erum allavega farin að getað tjáð okkur í viðurvist hvors annars. Ásmundur þýskukennari var veikur og ég búin að fá útborgað, svo að ég hélt að það væri alveg tilvalið að skella mér uppá laugarveg og gera kannski svona einsog enn eina tilraun til að kaupa þessar buxur þarna... en hætti við :(
//
Vá, ég held að tölvuskjárinn sé eitthvað bilaður. Allaveg er einsog að það sé sunnanátt frá vinstri (haha! öfundið þið mig ekki af veðurfræðihæfileikum mínum?) og að allir stafirnir og allt á skjánum séu bara að fjúka útaf honum... ég get aðeins líst þessu með orðum Ásmundar: Hér hefur skapast mjög einkennilegt ástand.
//
Það eru rúmar tvær vikur í busadaginn ásamt tilheyrandi balli, það er alltof alltof langt! En ég get þó huggað mig við það að busaballið í Kvennó, þar sem Eydís skutla er, verður á þriðjudag næstu viku.
//
Boðskapur dagsins: Það rignir karlmönnum!

2003-08-31T23:51:00.000Z

Jæææja... ætli ég ætti ekki að fara að sofa...

2003-08-31T19:14:00.000Z

Fór og ætlaði að gera aðra tilraun til þess að kaupa mér buxur í dag, og fór í þetta sinn í Smáralindina. Það fór þó ekki svo að ég finndi helv. buxurnar heldur endaði ég með jakka og var að fara að kaupa mér nærföt þegar kortinu mínu var skyndilega hafnað... hvílík ósvífni! Réttast væri að hætta viðskiptum við bankann, já eða bara skjóta hann einsog Rúnar Skúli vinur minn bennti svo réttilega á... en þá hugsar maður aftur á móti: Hvert á þá að senda launin mín?
//
Er að fara í bíó með Eydísi og Magga á Löru Croft myndina... veit ekki alveg við hverju er að búast.
//
Boðskapur dagsin: Af hverju er svona erfitt að finna almennilegar buxur í stærð 10?

2003-08-30T18:25:00.000Z

Mikið obbóðslega er þetta annars ljótt blogg hjá mér... já, Anna er í góðu skapi

2003-08-30T18:12:00.000Z

Hibb hibb... hibb hibb
//
Fór að versla áðan, þvílíkt exersæs sem maður fær útúr því að hlaupa um Kringluna þvera og endilanga í nokkra klukkutíma. Manni líður svo vel á eftir... og svo er það líka svo skemmtilegt! En já, fór með því markmiði að finna mér buxur en endaði með nokkra poka fulla af bolum, einsog venjulega. Þetta er ótrúlegt! Núna á ég fullan fataskáp af þunnum bolum fyrir íslenska vetrarveðráttu en bara eina hillu af buxum og eina af almennilegum peysum. Hneykslanlegt... ég veit það. Annars get ég huggað mig við að ég á að minnsta kosti eftir einn góðan verslunartúr í mánuðinum þegar ég fer að kaupa föt á busaballið í MR... jibbý!
//
Amma og afi eru í bænum... skál fyrir því
//
Ég fór ekki í sumarbústað með Eydísi.
//
Ég gleymdi fokkíng Jagúar-tónleikunum í Norðurkjallara MH í gær! Grét mig í svefn þegar ég fattaði það... helvítis helvíti.
//
Ég er farin að blóta mikið.
//
Ég á eftir að læra.
//
Mér fer hrakandi í þessu blogg-standi... nenni ekki að gera neitt nema svona lásí punkta.
//
Boðskapur dagsins: Æ eitthvað

2003-08-29T21:41:00.000Z

Jæææja á maður ekki að fara að blogga aftur? Ekkert smá langt síðan síðast! Annars er heill hellingur að frétta, svo mikið að blogg dagsins verður í formi punkta en ekki heilla frásagna...
//
Ég er byrjuð í MR! Nánar til tekið í 3-J, en er samt að spá í að skipta yfir í annan hvorn Fjósabekkinn... ójá! Ég hef sjaldan skemmt mér svona vel, þó að ekkert sérstakt hafi nú verið að gerast í skólanum... ég er ennþá busi og kem til með að vera það fram til 18. september, en þá er stund dauðans: Tolleringin!
//
Það er synd að segja frá því að ég fór EKKI á Fú Fæters, og einmitt núna þegar ég er að skrifa þetta man ég eftir því að í kvöld áttu að vera tónleikar með Jagúar og hinu stórkostlega Svitabandi í Norðurkjallara MH, (a.k.a. Tóbíaz), og ég er sem sagt að missa af þeim... helv.
//
Ég var að fá útborgað, ætla að versla á morgun :D
//
Ég er hætt að nota hárþurrku (nema af sérstöku tilefni, t.d. balli), og ætla að leifa lokkunum að njóta sín, enda hárið orðið það sítt að liðirnir eru að koma í ljós! Merkilegt það! Klappa fyrir hárinu!
//
Ég nota alltof mikið af upphrópunarmerkjum!
//
Er sennilega að fara í sumarbústað með Eydísi á morgun!
//
Jáhá, þá er það bara komið! Að sjálfsögðu gerðist miklu, miklu meira en ég bara er ekki alveg að nenna að skrifa það allt saman inn... þið verðið bara að spyrja mig þegar þið hittið mig :D
//
Rútur tileinkaði bloggið sitt mér, og ætla ég að endurgjalda greiðan með því að tileinka honum þetta blogg... þess má geta að Rútur er fellow MR-ingur og er það á stefnuskrá vetrarins að hitta hann á gangi einhverntíma fyrir jólapróf.
//
Boðskapur dagsins: MR MR MR MR MR MR (ög afsakið óvenju slakan pistil)

2003-08-12T15:34:00.000Z

Ahh! Nýtt og ferskt lúkk... endilega tjáiði álit ykkar í kommentunum.

2003-08-12T14:29:00.000Z

Við unnum! Við unnum! Ég trúi þessu ekki! Við unnum! Já kæru lesendur, yfirburðaæðislegamagnaðfrábæri hópurinn númer 327 (jáhá, MINN hópur!) unnum smásagnasamkeppni Vinnuskólans! Sagan fjallaði um strákinn Kalla og viðhorf hans til Vinnuskólans, en sagan var samin af mér og Ívari nokkrum (sem einnig lék aðalpersónuna á eftirminnilegan hátt) en hana prýða fjölmargar myndir, og telst hún því til hóps myndasagna. Að launum fengum við rokkna pítsaveislu a la Hrói Höttur, og átum við svo sannarlega á okkur gat. En svona ykkur til gamans má nefna að ein sagan eftir mig persónulega (sem er reyndar rangnefnd ljóð) komst inná heimasíðu Vinnuskólans ásamt annarri sögu eftir þá Atla og Atla... síðu Vinnuskólans og jafnframt sögurnar má finna hér.
//
Boðskapur dagsins: Já, það er gaman í hóp 327!

2003-08-11T16:17:00.000Z

Ég tók mig til núna áðan og ákvað að bjóða tæknifötluninni byrgin... og bæta við gestabók, kommentakerfi og teljara! Alveg ein! Nú býð ég ykkur bara að skrifa eitthvað í gesabókina og tjá skoðanir ykkar í komenntunum... og b.t.w. það ERU broskallar í komenntunum, þið þurfið bara að leita ;).

2003-08-11T16:14:00.001Z

Jibbý jibbý!
11 dagar þangað til ég byrja í MR!
Jibbý jibbý!

2003-08-11T14:42:00.000Z

Ég þarf að farí klippingu! Mig er nebblega farið að gruna að ég sé búin að eyðileggja á mér hárendana með sífelldum hárblæstri, og að þeir séu orðnir slittnir fyrir vikið. Er svona að spá í að fá mér nokkrar strýpuhræður í leiðinni... bara svona til þess að vera fín þegar skólinn byrjar, sem b.t.w. byrjar eftir 11 daga! Spáið í það!
//
Boðskapur dagsins: Hárþurrkan er verkfæri djöfullsins.

2003-08-09T18:41:00.000Z

Var annars að kaupa mér "best of" diskinn með Ný dönsk... BARA snilld, hann er fastur í spilaranum mínum þessa stundina, sem er ekkert sérstaklega sniðugt þar sem það gæti orsakað ógeð eftir nokkra hringi. Hmm... ætla bara aðeins að spila Flauelsföt aftur... og Frelsið... og Horfðu til himins... og Fram á nótt... og Hjálpaðu mér upp... æ fokk! Hlusta bara á hann allan aftur! Skítt með ógeðið! Lifi byltingin!
//
Boðskapur dagsins: Lifi byltingin! Kaupið "best of" Ný dönsk!

2003-08-09T18:37:00.001Z

Nei... ég er ekki orðin geðveik! Ég hlakka bara til að byrja í skólanum! Er það bannað? Nei! Hélt ekki... ekki einsog að þér komi það eitthvað við... gleðispillir...

2003-08-09T18:36:00.000Z

Jibbý jibbý!
13 dagar þangað til ég byrja í M.R.!
Jibbý jibbý!

2003-08-06T23:26:00.000Z

Voðalega blótar maður eftir að hafa verið þarna fyrir norðan... er líka farin að taka eftir vott af harðmælgni!

2003-08-06T23:25:00.000Z

Hef komist að þeirri niðurstöðu að það vantar alveg heilan helvítis helling á þessa síðu! Væri til dæmis alveg til í að setja inná hana myndir, skoðanakönnun, comment-dæmi og eitthvað svoleiðis... en þar sparkar tækni-og töævufötlun mín ærlega í rassinn á mér. Verð að fara að gera eitthvað í þessu.

2003-08-06T23:08:00.000Z

Vááááááá hvað er langt síðan ég bloggaði!!! Það liggur við að síðan sé farin að rykfalla! Ekki það að ekkert merkilegt hafi gerst (ójá! Merkilegir hlutir GETA gerst í mínu lífi... ótrúlegt en satt) ég hef bara ekkert verið heima. Þannig er mál með vexti að ég var stödd norðan heiða, nánar til tekið í Aðaldalnum í sumarbústað (í fimm daga) og svo dagana fram að þessu í mestu makindum heima hjá ömmu og afa í Skarðshlíðinni á Akureyri.
//
Ég fékk útborgað fyrsta, einsog öllu öðru góðu fólki sæmir, og fékk ég að sjálfsögðu kaupaæði inná Akureyri, eyddi þar á einu bretti eitthvað um 30000 kalli... gott það! Leið svaka vel á eftir!
//
Verslunarmannahelgin var fremur róleg, en þó stendur laugardagskvöldið uppúr, þar sem familí-grillveisla var haldin heima hjá Sigga, bróður hennar mömmu, þar sem fjögur af fimm systkinunum voru, ásamt rjómanum af börnunum og barnabörnunum og svo auðvitað ömmu og afa. Þegar líða tók á kvöldið hurfu nokkrir úr lestinni, þar á meðal amman og afinn, en galsi fór að færast yfir restina af mannsskapnum (heyrði ég einhversstaðar að áfengi hafi verið haft um hönd...). Þar sem þetta var nú verslunarmannahelgi og ég orðin þetta gömul var mér veitt leifi til að fylgja mér eldra fólki (þó ekki mikið eldra, bara á milli tvítugs og þrítugs) í Sjallann á Papaball! Ég var nú ekkert smá glöð að hafa hlotnast sá mikli heiður! En um ellefuleytið fórum ég, systir mín og hún Edda að kaupa miða á herlegheitin fyrir alla hersinguna, sjö stykki alls (einn fjölskyldumeðlimur var þar að auki, en hann hafði þegar fengið miða) en voru þau skilyrði sett fyrir því að ég fengi að fljóta með að ég þyrfti að upplifa stemmninguna frá a til ö... og þar af leiðandi þurfti ég að standa í biðröð. En eftir þó nokkra bið komust reynslumeiri manneskjurnar að þeirri niðurstöðu að þetta væri hálfvonlaus bið, svo að hann Ísak ofurfrændi minn þrykkti Eddu greyinu fremst í röðina með kröftugum troðningi... já, við erum siðmenntuð og göfug fjölskylda. Eftir miðakaupin (2000 kall... ekki rassgats peningur fyrir svo góða og gilda skemmtun!) var haldið aftur til Sigga, þar sem eldra fólkið (ásamt reyndar Linda mági, Bjarna og Adda frændum sem er ekki deginum eldri en svona 26-30) var orðið meira en lítið skrautlegt, en því til stuðnings má nefna að við systur vorum dásamaðar í hvert horn (munaði minnstu að við værum klæddar í hvíta kjóla, smellt á okkur vængjum og við titlaðar sem nýju átrúnaðargoð ættingjanna) en okkur líkaði það svona nett vel bara! Eftir tjútt með Jet Black Joe, Sálinni og fleiri hljómsveitum á geislaplötum skildust tvær kynslóðir í þvottahúsinu heima hjá Sigga, við "hin ungu" fórum fótgangandi í Sjallann, en eldra liðið tók leigubíl í bæinn. Við útidyr Sjallans fór að bera á þó nokkrum áhyggjum varðandi það að koma krakkanum (hehemm... mér) inn, en höfðu frændur mínir samt nokkur spil uppí erminni varðandi það því þeir þekktu víst einhverja dyraverði. Við innganginn var ég auðvitað stoppuð sökum unglegs útlits og ég beðin um skilríki, vegna eilítillar taugaóstyrkni tók það mig svolitla stund að finna skilríkin "mín", það tókst þó að lokum og sýndi ég dyraverðinum framá það að ég væri svo gott sem fædd árið 1975 enda með depetkort systur minnar í höndunum, og sjá... ég komst inn! Þar sem klukkan var nú eitthvað um eitt var ballið byrjað, við skelltum okkur útá gólf þar sem við tjúttuðum í nokkra klukkutíma. Þar sem skipaður eftirlitsmaður minn, hann Addi frændi, lét sig hverfa strax við innkomu, kom það enn og aftur í hlut Ísaks ofurfrænda að redda málunum... ekki það að ég hafi þurft eftirlitsmann, heldur komst drukkna, fullorðna liðið að þeirri niðurstöðu að allir flagarar og nauðgarar Akureyrar þyrftu eftilitsmann fylgjandi mér. Reyndar voru strákarnir ekkert að reyna neitt og voru ósköp kurteisir (fékk meira að segja koss á höfuðið frá einum sem var næstum því búinn að rota mig aftir að hafa slegið hendinni í mig), en það voru þarna nokkrir vel drukknir einstaklingar sem Þorkell (Lindi) mágur minn sá um að væru vel upplýstir um það að ég væri einhleyp og til í allt (sem er tómt helvítis bull!) með því að benda á mig, gera svona OK merki með puttunum og blikka þá (tekið skal fram að Lindi var orðinn ansi skrautlegur sjálfur á þessum tímapunkti). En sjá! Þegar einhver ló læf snúðurinn (hefði ekkert haft á móti þessu hefði þetta verið myndarlegur drengur um tvítugt) var eitthvað að klínast kom Ísak ofurfrændi alltaf til bjargar og á hann heiður skilið fyrir það! En allavega var þetta hreint út sagt magnað ball (þó að ýmsir hafi ekki verið á sömu skoðun)! Klukkan fjögur var öllum rutt út úr Sjallanum, en þá vorum við systurnar og Lindi orðin svo svöng (allir hinir, nema hann Ísak löngu farnir heim) að við skutumst og fengum og pítsu og pepsi. Þar sem við stóðum og átum hittum við fyrir kunningja okkar síðan fyrr um kvöldið (ég og Sissa höfðum staðið í röð í hraðbanka og þessi strákur kom og sagðist kannast svo obbóðslega við mig að hann yrði að taka mynd af okkur), við stóðum og röbbuðum við hann svolitla stund og mig rámar eitthvað í að hafa kallað vin hans (sem var úr Versló) homma. Eftir það hófst stríðið við að koma Linda úr sporunum heim til ömmu að sofa... það tók svona hálftíma að labba þennan kílómeter heim. Ahhh... þessi fyrstu kynni mín af næturlífi Akureyrar voru einstaklega ljúf... og bíð ég spennt eftir næsta tækifæri (þ.e.a.s. þegar foreldrarnir detta aftur í það á Akureyri og leifa mér að fara á ball!).
//
Ekkert annað merkilegt gerðist... jú nema kannski það að ég fékk að keyra Land Roverinn hans pabba! Ég keyrði sem sagt á malarvegi þó nokkurn spöl með mömmu æpandi í aftursætinu og föðurinn hvíslandi: "Anna, passaðu þig... þetta tré gæti hoppað fyrir bílinn..." með kvikindislegri röddu. Þó tókst mér að koma bílnum á leiðarenda ósködduðum! Klappa fyror bílstjóranum!
//
Boðskapur dagsins: Akureyri er æði, og Sjallinn þaðan af síður verri!

2003-07-16T16:08:00.000Z

Vá hvað það er gott veður úti, ætla bara aðeins að blogga áður en ég skelli mér í sund með Írisi Rut! Handleggirnir á mér og andlitið eru orðin "svaðalega" brún eftir alla útivinnuna og stefni ég á að hinir líkamspartarnir nái þeim í brúnku eftir sundið...
//
Var ekki erfiður vinnudagur... en vorum svo dugleg að við fengum að fara í fótbolta :D Ég fór notturlega á kostum og skoraði heilt eitt mark, alveg ein! En annars var svo heitt að ég neyddist til að fara úr að ofan og hljóp þarna um á brjóstahaldaranum, hmmm... Hlynur asnaðist til að taka mynd en ég tók af honum loforð um að hún færi ekki á netið (Hlynur kvikindi :)).
//
Jæja, er farin í sund.
//
Boðorð dagsins: Sá sem sagði að sér finndist rigningin góð er fíbl.

2003-07-15T15:51:00.000Z

Ahh... var að koma úr sturtu eftir erfiðan vinnudag.
Byrjaði daginn á því að sofa um það bil klukkutíma yfir mig, og var vakin af hneikslaðri móður 8.30 eða svona um það bil þegar hinir krakkarnir voru að byrja að vinna. Annars bjargaðist þetta nú allt saman, gerði samning við Hlyn um að borga mér þennan klukkutíma gegn því að ég skrifaði sögu til að senda inní einhverja samkeppni á vegum vinnuskólans... ég er ekki byrjuð á henni.
//
Hjörtur er byrjaður að blogga aftur! Dýrð sé Drottni!
//
Af gefnu tilefni skal tekið fram að undirrituð stendur sjálf í öllum skrifum á síðunni nema að annað sé tekið fram.
//
Boðskapur dagsins: Ekki sofa yfir ykkur, nema að þið séuð sérstaklega góðir sögumenn... auðvitað!

2003-07-13T20:05:00.000Z

B.t.w. ákvað að hætta þessari vitleysu og fjarlægja helv. "Myndir" línkinn sem átti að vísa á Unglingavinnumyndirnar (og í framtíðinni einnig safn af fleiri myndum), enda farin að gera mér grein fyrir því að hann væri ekki alveg að virka... en vonandi kemur fljótlega (eða svona... já... eftir kannski svona ár... í versta falli) almennilegur þráður á Unglingavinnumyndirnar (og í framtíðinni einnig safn af fleiri myndum).
Biðst ég afsökunar á öllum þeim óþægindum sem þessi helv. línkurinn kann að hafa valdið.

2003-07-13T19:53:00.000Z

Var að tjilla á Spámanninum og rakst á skemmtilegan link sem heitir "Persónuleikatréð", og átti það að segja mér hvurslags manneskja ég væri útfrá því hvenær ég væri fædd. Verandi fædd 12. janúar komst ég að því að "mitt innra tré" væri álmviður (Álmviður er ættkvísl lauftrjáa af álmsætt = Alfræðiorðabókin, en hefði þess vegna getað verið Hafliði). Þetta er það sem "mitt innra tré" sagði um persónuleika minn:
...
Álmviður - Göfuglyndi
12.01-24.01 & 15.07-25.07

Manneskjan er í góðu ásigkomulagi, hugar vel að útliti sínu og klæðist fallegum fatnaði. Hún gerir ekki miklar kröfur en á erfitt með að fyrirgefa mistök.

Manneskjan tekur illa skipunum, vill frekar stjórna sjálf. Hún er bæði glaðvær og gjafmild, og göfuglynd með eindæmum. Hér er á ferðinni áreiðanlegur förunautur, hagsýnn og ákaflega skemmtilegur.
...
Ég er ekki frá því að þetta lýsi mér bara nokkuð vel (sérstaklega þetta með "er í góðu ásigkomulagi", "klæðist fallegum fatnaði" og "ákaflega skemmtileg" ;). Ég hvet ykkur eindregið til að skella ykkur á Spámanninn og finna "ykkar innra tré". Afsakið mig nú á meðan ég fer út í rigninguna að vökva álminn minn...

2003-07-13T19:21:00.000Z

Úff! Fór að vinna klukkan 12.45 í Hagkaup. Þetta var ágætis dagur og ekkert það langur að líða, sem var mjög gott. Fór annars að velta peningastreyminu í Hagkaup fyrir mér, en það hlýtur að vera nokkrir tugir, eða jafnvel hundruðir, milljóna á dag (en það er, ef þú veist það ekki fyrir, mjög mjög mjög stór tala, þ.e.a.s. talan nokkur hundruð milljónir). Ég meina sko, hver kassastarfsmaður hlýtur að afgreiða nokkur hundruð þúsund á góðum degi, það eru svona 16 kassastarsmenn í hverri búð, fimm eða sex búðir... sjæse, ég verð rangeyg á því að hugsa um þetta! En í dag fundum við stelpurnar fyrir miklum skorti á sætum strákum að versla, ég vil að settar verði reglur um að eigi færri en sjö sætir strákar/karlmenn séu viðstaddir í verslunum á degi hverjum. Kostir og gallar við þá reglu (ef ske kynni að yrði sett):
...
Kostir:

- Léttir andrúmsloftið.

- Kvenviðskiptavinir sjá sætu strákan og finna aukna þörf til að vera sjálfar sætar = aukin sala á snyrtivörum og fatnaði.

- Kvekynskassastarfsmenn hafa eitthvað að gera á milli holla, þ.e.a.s. geta þá horft á sætu strákana sér til dægrastyttingar.

- Sætu strákarnir gætu aukið aðsókn í verslanirnar, þ.e.a.s. lokkar fólk, sem upphaflega ætlaði ekki að kaupa neitt , inní búðina (þar af leiðandi gæti þetta sama fólk rekist á hluti sem þeim nauðsynlega vantaði... og sjá! Það kaupir þá!) svona svipað og mjög mjög góðar auglýsingar gera.

- Sætu strákarnir gætu létt lund kassastarfsmannanna með léttu daðri.
...
Gallar:

- Gæti orsakað óþarfa klístur á kassaeyjunum vegna slefs starfsmanna.

- Gæti orsakað athyglisbrest starfsfólks og viðskiptavina sem hægir verulega á gegnumflæði fólks (en aftur á mót hefur verið sannað að því lengur sem fólk staldrar við inní búðum, því meira kaupir það).

- Gæti orsakað óstundvísi viðskiptavina (því það dvelur alltaf lengur og lengur í verslununum til að horfa á sætu strákana).
...
Ég tek það fram að þessi hugmynd er ófullgerð, og það gæti átt eftir að bæta fleiri og fleiri kostum við hana eftir því sem hugmyndir berast frá fleirum. Mætti þó vænta þess að þessi aðgerð gæti verið komin í gagnið snemma á næsta ári eða seint á þessu. En einsog sjá má hér fyrir ofan eru kostirnir fleiri en gallarnir, sem er kjörin ástæða til að taka regluna í gagnið. Þó er ekki svo að skilja að ég líti á stráka sem eitthvað kjötstykki, mér finnst þeir bara svo nauðsynlegir eitthvað... hef verið að taka eftir þessu í Hagkaup, vinn sjálf betur í viðurvist myndarlegs karlmanns... nú fussar einhver og sveijar yfir þessari vitleysu.
//
Ég er að reyna að koma upp svona Shout Out dæmi á síðunni, þar sem fólk getur tjáð sig um pistlana. Það hefur ekki gengið vel hingað til (sem sannar enn og aftur þá kenningu mína um að ég sé tækjaheft), en á langtímaplani síðunnar eru, auk Shout Out-dæmisins, dagbók og almennilegar myndir... en ég reikna með að það gæti orðið löng bið eftir því (nema auðvitað að einhver góðhjartaður einstaklingur sem kann á þetta bjóðist til að hjálpa mér :D).
//
Boðskapur dagsins: Lifi strákarnir (og... hérna... bjóðið Önnu tæknilega aðstoð vegna þessa bloggs).

2003-07-12T23:11:00.000Z

Línkurinn á myndirnar er ekki ennþá farinn að virka, þrátt fyrir þrálátar tilraunir til að laga hann... veit annars ekkert hvað er að honum sko!
//
Það er svo sem lítið að frétta, skemmti mér vel við strákagláp í Hagkaupsvinnunni (það var hellingur að gera ;)), en það er svo skemmtilegt svona á laugardögum þegar heilu sætu-vinahóparnir leggja allir leið sína í Kringluna. Já, þetta var gópur dagur.
//
Í gærkvöldi kíkti ég aðeins út ásamt Írisi Rut og fleirum fræknum manneskjum. Það var skítkalt, en voða gaman að hitta fólkið.
//
Vá hvað ég er búin að skrifa lítið, hmmm... æ... sælir séu stuttorðir (eða eitthvað þannig)
//
Boðskapur dagsins: Farið í Kringluna á laugardögum (sérstaklega ef þið eruð stelpur) því þar er allt morandi í hottí strákum :D

2003-07-12T00:56:00.000Z

Æ helvítans likurinn virkar ekki :/ Spurning um að fá einhvern sem kann á þetta til að hjálpa mér... einhver sem býður sig fram???

2003-07-11T19:27:00.000Z

Myndirnar sem minnst var á í einhverju blogginu hér á undan eru komnar í hús! Á þeim má finna okkur hópinn í hinum ýmsustu stellingum, bæði við vinnu og í hefðbundinni uppstillingu. Á myndunum má ýmist finna (annaðhvort alla eða nokkra af þeim upptöldu saman á mynd) mig (í bláum bol), Ívar Þór (ljóshærður með krullur í svörtum bol), Halldór (ljóshærður í hvítum bol), Heiðar (hávaxinn og ljóshærður, í svörtum bol), Atla M (dökkhærður í Tommy Hilfiger-hettupeysu), Davíð(dökkhærður í hvítum bol), Hafliða (í ljósri nike-peysu), Árdísi (í dökkblárri Puma-peysu), Sigga (í bláum bol) og Heiðu kuldaskræfu (þessi í úlpunni með húfuna í 18 stiga hita), í hópinn vantar nokkra hópmeðlimi sem ekki voru í vinnunni þennan dag. Myndirnar má nálgast undir tenglinum "Myndir" hér til vinstri á síðunni... nú eða bara hér.

2003-07-11T16:06:00.000Z

Annars hefur þessum elskum (kaldhæðni, þar sem ég á greinilega við hrossaflugurnar sem eru hreint engar helvítis elskur) stórlega fækkað í mínum húsum... gæti verið vegna þess að kúluskítsafmánirnar eru farnar að lykta svo illa í gluggakistunni að það fæli þær frá (fyrir þá sem ekki vita það er kúluskítur þörungategund sem lifir bara í Mývatni og einhverjum polli í Japan, ég á fimm eintök af þessu fyrirbæri sem ég fékk að gjöf frá líffræðingnum henni systur minni), er svona farið að gruna að ég þurfi að skipta um vatn og jafnvel þrýfa skálina undan þeim líka... heilhveitis ónæði alltaf hreint. Hmm... nei, ég er augljóslega ennþá inni... get bara ekki hætt! Er haldin málæði... ætla að þegja núna.

2003-07-11T16:01:00.000Z

Frumsamið ljóð (sungið við lagið "Grænar flöskur uppá vegg"):
...
Tvær litlar hrossaflugur klesstar upp við vegg.
Tvær litlar hrossaflugur klesstar upp við vegg.
Og ef að ein enn klessist og dettur niður dauð
þá eru þrjár litlar hrossaflugur klesstar upp við vegg!
...
Geri mér annars fulla grein fyrir því að flugan getur ekki dottið niður dauð ef hún er klesst á vegginn, því annars er hún bara kramin á gólfinu vegna áhrifa frá þyngdarkrafti jarðar... þetta passaði bara svo vel inní ljóðið :/
//
Já ég veit... ég er að fara að hætta þessari vitleysu og fara út... hey bíddu nú við, ert þú mamma mín eða?

2003-07-11T15:21:00.000Z

Mmmm... gott veður...
Er í rauninni að stelast til að sitja við tölvuna og blogga, ætti í rauninni að gerast heilsufrík og fara út að labba... já eða fara í sund! Hmm... æ það gefst nægur tími til slíks á eftir, já eða á morgun! Mér þykir nú samt ótrúlegt hve veðurfræðingarnir voru nærri réttri veðurspá þennan daginn, vona bara að þeir breyti ekki til og fari að spá sannspáum tengdum rigningum... nú er ég farin að bulla :/
//
Það var yndi yndi í vinnunni í dag! Geggjað veður og tjill. Undir vökulu auga Hlyns ákváðu nokkrir vaskir að taka sig saman og slá myndarlegan broskall í túnið sem verið var að slá, segiði svo að við ungmennin höfum ekki nóg að gera í vinnunni! Af gefnu tilefni sýndi yfirmaðurinn á sér íþróttamannshliðina og skutlaðist heim til sín á mettíma, til þess eins að ná í myndavél til að festa sköpunarverkið á filmu. Í leiðinni ákvað hann að afla mynninga um hópinn og tók nokkrar glaðbeittar og listfengnar myndir af okkur (ég mun væntanlega skella tengli, sem vísar á myndirnar, á síðuna von bráðar), á einni eða tveimur þeirra voru þrír ungir drengir píndir með harðri hendi til að halda á mér, flykkinu, og var ég ekki frá því að greina mætti áreynslugrettur hjá þeim. Svo héldum við inn í kaffi, en þar afrekaði ég að henda hálfétnum tómat í vinnufélaga minn með þeim afleiðingum að mér var svarað í sömu mynt. Síðan var haldið tli tjills í Hólmaseli... er ég ekki búin að gera neitt fleira þennan dag, enda klukkan ekki nema korter yfir þrjú!
//
Boðskapur dagsins: Út með þig! Já svona, út í sólina fíblið þitt!

2003-07-10T17:25:00.000Z

Kannski ágætt að útskýra fyrir ykkur hvað Rumputuski þýðir, fyrst ég er nú á annað borð sest niður að bloggi. Hefur verið mikið spurt um gildi þessa orðs í mínum orðabókum en svo er nú mál með vexti að þessu orði man ég eftir sem nafni dvergs nokkurs í einu Grims-ævintýrana. Í þessu ævintýri, sem mig minnir að heiti einfaldlega Rumputuski, er fjallað um unga stúlku sem er sett í einskonar dýflissu í kastala konungs og er þess ætlast til að hún spinni gull úr hálmi... farin/n að kveikja??? Nú allavega, þá hjálpar þessi dvergur stelpunni við að spinna gullið úr hálminum (sem hún btw hefði ekki getað án hans hjálpar, enda bara mannleg einsog við hin). Svo er eitthvað þvaður um óskir og læti og maður veit ekki fyrr en stelpan á að geta uppá nafninu á dverginum, því annars þarf hún að gefa honum krakkann sinn. Hún prófar öll þessi algengu: Sigurður? Ólafur? Páll? en að sjálfsögðu virkar það ekkert, einfaldlega af þeim eðlilegu ástæðum að dvergfjandinn heitir Rumputuski! Svo er stelpan (eða var það þjónn? Æ skiptir ekki) að skrattast eitthvað útí skógi og heyrir dverginn tralla nafnið sitt... svo næsta dag segir hún honum hvað hann heitir og dvergurinn drepst! Hananú! Þar hafiði það! Ég vona að þið séuð eitthvað fróðari um slóð síðunnar, en vil ég eindregið hvetja ykkur til að lesa þetta ævintýri (sem mig minnir að hafa einhverntíma séð á spólu líka!), því það ætla ég að gera, þar sem ég uppgvötvaði að ég man bara helvíti lítið úr því!

2003-07-10T17:11:00.000Z

Íhíhí... fékk sendan þennan snilldarbrandara:
...
Hung Chow calls in to work and says. "Hey. boss I not come work today,
really sick. I got headache, stomach ache and my legs hurt. I not come
work." The boss says, "You know Hung Chow, I really need you today,
When I feel like this I go to my wife and tell her to give me sex. That
makes everything better and I can go to work. You should try that."

Two hours later Hung Chow calls again: "Boss, I do what you say and feel
great. I be at work soon. You got nice house."
...
Íhíhí... ohh, þarf að hnerra :/

2003-07-10T17:08:00.000Z

Ég er veik! Spáiði í þessu! Það er kominn júlí og ég þjáist af nóvember-veikinni svokölluðu, þ.e.a.s. kvefi og hálsbólgu. Mér leiðist, ég þarf að komast í klippingu og í þokkabót fæ ég ekki borgað fyrir að vera veik... og mér sem finnst svo gaman að vinna! Annars var ég að fatta hvað það er ógeðslega langt síðan ég bloggaði síðast, og fannst mér ég þar vera farin að líkjast Hirti óhugnanlega í háttarlagi. Ákvað ég því að setjast niður, þar sem ég hef ekkert annað að gera vegna veikinda, og blogga... en þetta verður sennilega óvenjulega langt blogg...
//
Annars hefur þetta þriðja unglingavinnusumar mitt verið algert yndi, og þá meina ég svona á launalegan hátt (þó að skitnar 385 kr. á tíman geri engin kraftaverk þá duga þær alveg fyrir öllum mínum lífsins nauðsynjum), en ég verð nú samt að viðurkenna að þetta er skársta sumarið hingað til, góð staðsetning og tilheyrandi. Hef lítið útá þessa vinnu að setja.
Annars er það að frétta úr herbúðum Hagkaups að útsölurnar eru hafnar. 40 % afsláttur og ekkert minna en það takk fyrir! (Þó svo að hann eigi það til að fara niður í uppí 60 %). En vá! Þetta líkist stundum vígvelli! Ég hef aldrei pælt í því hvurslags villidýr sumir geta verið þegar þeir komast í kassa fylltan af allskyns kostavörum á 500 kall! Það er alveg megamikið að gera og ég er drulluþreytt eftir daginn... en þetta er alveg hin fínasta vinna (hehemm... góð laun ;)), svo er notturlega stuð dauðans að vera á kassa.
//
En já... mér hafa borist til eyrna ýmsar óánægjuraddir vegna ónógrar notkunar minnar á greinamerkjum þegar ég er að blogga. Hef ég ákveðið að reyna að laga þennan ósóma, svona rétt til að verða við bónum aðdáendanna! Þar sem ég bý því miður ekki svo vel að hafa gestabók á mínum snærum, þar sem gestir gætu tjáð sig um síðuna og annað slíkt, verða þeir sem hafa áhuga á því að láta í sér heyra að láta sig hafa það að þegja bara þangað til þeir hitta mig við tækifæri! Sorrí, en ég get bara ekkert í þessu gert!
//
Systirin og spússi hennar komu heim frá Ítalíu (n.t.t. frá Rímíní, þar sem öðlingurinn Kári var einnig staðsettur á sama tíma! Merkilegt nokk!) kaffibrún með meiru og klifjuð gjöfum handa vinum og fjölskyldu! Í minn hlut fékk ég Júsí gloss, röndóttan bol og röndótt bikiní (þau hafa alveg verið að missa sig í litunum!), gasalega lekkert, og væri ég örugglega núna að prufukeyra bikiníið ef að þessar helvítis veirur (eða eru þetta bakteríur???) væru ekki í nefinu á mér... hrmpf!
//
Hafliði, vinnufélagi minn og fyrrverandi skólafélagi, hefur tuðað um það fjöllum hærra að fá nafn sitt birt á síðunni (minnir óneitanlega á samskipti mín og Hjartar hér fyrr á árinu), virðist svo vera að ég hafi einhverntíma tapað fyrir honum í einhverri ómerkilegri keppni. Ætlaði ég að láta mér nægja að byrja eitt bloggið á orðinu Hafliði og vinda mér svo í málefni líðandi stundar, en tók drengurinn það sérstaklega fram að slíkt myndi ekki duga. Þeim sem annars vilja fá nafn sitt birt hér á spjöldum er bent á bankareikning minn í Íslandsbanka í Mjódd, en verða þeir hinir sömu að hafa samband við mig vegna nánarri upplýsinga!
//
Af hrossaflugunum í herberginu mínu er lítið að frétta, þær eru ennþá jafn óforskammaðar en meiga þó eiga það sér til málsbóta að þeim hefur fækkað mjög, en því til stuðnings bendi ég á að ég fann aðeins eina þeirra dauða í glugganum í morgun. Virðist mér að þeirra tími sumarsins sé liðinn og því þurfi ég ekki að hafa áhyggjur af flugnanetum fyrr en á næsta ári, nema auðvitað að þær ákveði að vera með come back seinna í sumar... sem er svo sem í stíl við hrossafluguýmindina, að vera sífellt að koma á óvart!
//
Ekkert meira að blogga, ætla að fara og snýta mér :/
//
Boðskapur dagsins: Ekki verða veik á sumrin.

2003-06-20T00:07:00.000Z

Já! Í dag er sjálfur kvenréttindadagurinn fyrir þá sauði sem ekki hafa séð auglýsingarnar með slagorðinu: Málum bæinn bleikan! Ég ákvað því af skildurækni að klæðast bleikum bol ásamt fylgihlutum þennan daginn svona til að heiðra þær konur sem urðu til þess að í dag geng ég ekki til hversdagsins klædd pilsi einsog konum bar sklda hér til hér áður fyrr og að eftir eitt og hálft ár má ég kjósa. Þó er ekki svo að skilja að ég sé feministi, ég er mjög ósammála feministum í góðum helmingi baráttumála þeirra því að nú finnst mér farið að sýga ansi mikið á aumingja strákana á ýmsum vetvangi þar sem þeir meiga varla opna munninn án þess að vera kallaðir ókvæðisnöfnum, en þess má geta að ég hef sjálf verið uppvís af þeim ósið og er því ekki sjálf alsaklaus og sé mjög eftir því. En annars klæddist ég bleiku til að þakka fyrir það frelsi sem ég hef í dag... ekki til að brjóta karlmenn niður andlega, en þó er víst að ennþá fyrirfinnst launamismunur á milli kynja en hitt finnst mér ekki skipta neinu máli hlutfallið á milli karla og kvenna í stjórnunarstöðum einsog á Alþingi, því að þar er venjulega sá eða sú valin sem hæfastur/hæfust þykir til að gegna starfinu sem best... væri ekki líka kynjamisrétti ef að kona fengi stöðu í stað hæfari karls??? Svona vega ég einmitt salt á mill skoðana, á milli sjónarmiða karla og kvenna og spyr sjálfa mig: Eiga ekki öll dýrin í skóginum að vera vinir?
Já... ég þakka fyrir mig Bríet, Angelina og fröken Amalie.

2003-06-19T23:04:00.000Z

Detti nú allir dauðir kettir af grinverki! Ég sat hér uppí herbergi bróður míns og var að tala við Eydísi í símann í hinum mestu makindum (fyrir svona 5 mínútum síðan) og allt í einu er öskrað af neðri hæðinni: Anna! Koddu og sjáðu! en þar var hann faðir minn á feðrinni. Þannig var mál með vexti að súper-trommarinn sjálfur Daníel Þorsteinsson var ásamt Iðunni dóttur sinni (sem bæ ðe vei er skyld mér í báðar ættir... geri aðrir betur!) í þættinum Hjartsláttur á Skjá 1. Þegar ég kem niður er verið að sýna upptöku af stóra sviðinu við Ingólfshól sem tekin var á þjóðhátíðardaginn og hver var þar fremst í flokki að tjútta við ljúfa Maus-tóna (því ævintýri er sagt frá í pistlinum frá 18. júní) ásamt nokkrum félögum??? Nú auðvitað ég! Sást nú reyndar bara ofan af sviðinu en sást nú engu að síður! Ég er bara orðin fræg!
Merkilegt nokk...
(E.S. Fyrir þá sem sjá endursýninguna þá er upptakan í endan og ég er í rauðum jakka, ljóshærð með fjólubláan trefil :D)

2003-06-19T20:38:00.000Z

Fari það bölvað og kolað! Þessar hrossaflugur hafa endanlega gert innrás í herbergi mitt! Það sem áður var lítilsháttar vandamál hefur nú breyst í hatursfullt stríð þar sem einlægur ásetningur minn er að gera þessi helvíti (afsakið orðalagið) brottræk úr mínum húsum! Þið trúið ekki hvað þessi kvikindi eru óforskömmuð, þau klessast á MÍNAR gardínur, sjúga MÍNA rykmaura og síðast en ekki síst drepast í MINNI gluggakistu! Ég meina ókei, gæti verið sátt við þær ef þær gætu nú haldið sig utandyra... en ónei! sú er nú ekki aldeilis raunin! Plús það að ég fór í leiðangur í leit að flugnaneti en hvergi fann, mér er skapi næst að negla bara fyrir gluggan og opna ekki hurðina nema af þeirri bitru nauðsyn að fara á klósettið og til vinnu, en þá þyrfti ég sennilega einnig að fjárfesta í súrefniskút og tilheyrandi grímu.
En nóg um tuð og kjaftæði...
//
Kári var eitthvað að kvarta yfir pistlaleysi á síðunni svo að ég ákvað að verða við beyðni hans hátignar og skrifa eitthvað betastætt svona til tilbreytingar...
//
Meðal stórfrétta dagsins er sú mega-stórfrétt að ég er komin í tölu MR-inga! Já! Þetta eru einhverjar þær mestu gleðifréttir sem á fjörur mínar hafa rekið. Hér er útdráttur úr listanum yfir það sem ég hef nú löggilta afsökun til að stunda eða hafa skoðun á að einhverju leyti:
...
- Ég má nú ganga í MR-fötum systur minnar án þess að vanviðra þau.

- Ég hef nú góða afsökun fyrir þvíað finnast karlpeningur skólans föngulegur (föðurlandsást sjáiði nú til).

- Og síðast en ekki síst má ég nú hafa í frami hina fullkomnustu óbeit á Verzlingum (ekki það að þeir séu verri en annað fólk... æ jú... þeir eru það... en þeir völdu bandvitlausan skóla í þokkabót!)
...
Þetta er aðeins brot af listanum sem ég hef annars búið til í huga mér og nú hoppa ég hæð mína af kæti fyrir að vera orðin ein af æðra fólkinu... þó að auðvitað verði ég ekki fullgild sem MR-ingur fyrr en strákshendur grípa mig eftir tolleringuna á sjálfan Tolleringadaginn! Össössöss! Ég er bara orðin spennt!
//
Fleira hef ég ekki að segja þennan daginn og verður Kári því bara að bíða rólegur eftir næsta pistli en þess má geta svona uppá gamnið gert að hann hefur lýst yfir einskærri aðdáun sinni á síðunni sem sýnir bara hvurslags yfirburðar-vitsmuna-vera Kári getur stundum (með áherslu á stundum) verið :D
//
Boðskapur dagsins: Í guðanna bænum fariði að flytja inn flugnanet!

2003-06-18T19:43:00.000Z

Hæ og hó og jibbý jey, seytjándi júní var í gær!
Þvílíkt og annað eins megastuð hef ég aldrei á ævi minni upplifað!
Þannig eyddi ég deginum:
...
Klukkan 14.00 - 16.00

Skellti mér niðrí bæ Eydísi til samlætis því að hún fór með systkini sín að horfa á skemmtiatriði. Vil ég minnast á það hvað kynnarnir voru ógeðslega viðbjóðslega leiðinlegir og trítuðu þeir börnin sem heiladauð væru og höfðu væmininaí hávegum... þætti mér gaman hver framkvæmdi þessa "tímamóta-leikhús-afrekst-framistöðu" *hóst, hóst, kaldhæðni*. Eitt af því áhugaverðara sem fyrir augu bara þennan part dagsins var magadanssýning kramhússins þar sem við stúlkurnar stóðum agndofa af lotningu og öfund og ákváðum að næsta vetur skildum við sko læra að dansa magadans! Kúl það! Klukkan 15.30 stigu aðalmennirnir á sviðið: Hjörtu og Guðmundur Samféskinkur, og tóku þeir tvö lög þar á meðal sjálft vinnings lagið Till there was you. Ég öskraði af mínu lifandis lífi og sál nöfn þeirra félaga og uppskar að launum annarleg og hneyksluð augnarráð frá afbrýðisömum stúlkukindum sem greinilega langaði að þekkja þá einosg ég (hehehehe...), og svo sungum við Eydís líka með! Eftir að súperstjörnurnar stigu af sviði söng glamúrplebbinn Birgitta Haukdal upp Jóróvísjónlagið í eittþúsundustatuttugastaogannaðskiptið. Á eftir henni Birgittu voru atriði úr söngleiknum Greese og bjuggumst við við eindæma hallærislegri uppfærslu einsog þessari sem Selma og Rúnar Freyr tóku þátt í fyrir nokkrum árum... en svo var nú aldeilis ekki! Jónsi fór á kostum og geislaði kynorku sem sjaldan sést! Birgitta átti sinn sprett en komst ekki með tærnar þar sem jónsi hefur keflin á kúrekastígvélunum sínum. Þá vil ég sérstaklega lofa myndarlega manninn sem líka lék Lýð í Sól og Mána, því miður man ég ekki hvað hann heitir :/
...
Klukkan 20.00 - 00.00

Eftir stutt matarstopp á heimili Eydísar héldum við aftur niðrí bæ með Únu. Við hittum þó nokkuð af fólkskindum og þar á meðal voru: Kári, Hjörtur, Gummi, Íris Rut, Halli, Halldór, Steinar, Bára Dís og svo margir margir fleiri sem ég nenni ekki að telja upp :/ Í svörtum fötum fór á kostum, svo og Dáðadrengir sem ég vil lofa sérstaklega fyrir að skarta svona frábærum textum, einnig fannst mér Botnleðja góð að vanda og svo auðvitað Jagúar sem ég verð að játa að hafa ekki verið í miklu uppáhaldi hjá mér hingað til en hömruðu fram ljúf fönk-lög einsog Funky Chicken. Annars var Leoncie stjarna kvöldsins sem skartaði bumbu, sellólíti, ljótum fötum, fruntalegum hatti, bleikum g-streng sem enginn vildi sjá og herfilega hallærislegum lögum einosg ekkert væri sjálfsagðara... söss þetta eru bara kynþáttafordómar í mér. Þegar líða fór á kvöldið fór spassinn í mér að koma fram og dansfíflið neitaði að sitja kjurt. Þar sem Eydís og Úna voru eitthvað dofnar ákvað ég uppá mitt einsdæmi að þefa uppi eitthvað fólk í stuði og rakst þá svo skemmtilega á Kára, Hjört og fleiri sem voru meira en tilbúnir að láta einsog fífl mér til samlætis og láta ljós sitt skína sem dansarar þegar mín næst-uppáhalds-hljómsveit Maus steig á stokk, en þess má til gamans geta svona uppá montið að gera að mega-tromm-vélin á trommunum er sjálfur frændi minn Daníel Þorsteinsson! Þegar Maus hafði lokið sér að og við ennþá í stuði drógum við stúlkurnar drengina niðrá Ingólfstorg þar sem Milljónamæringarnir tóku okkur opnum örmum. Þar fórum við alveg upp að sviði og öskruðum: Palli! ég elska þig! í gríð og erg og dönsuðum rassinn úr buxunum okkar... ég hef aldrei skemmt mér svo vel! Þegar líða fór á það ball bættist fleira fólk í hópinn og vil ég lýsa þessu sem einni alsherjar dansorgíu! Eftir að þessum herlegheitum var lokið héldum við Eydís heim á leið! Svona að lokum vil ég þakka öllum sem þarna voru fyrir frábæran félagsskap, honum Danna frænda mínum og Maus og svo að sjálfsögðu Milljónamæringunum og PALLA fyrir dansdjamm frá helvíti!
//
Annars er lítið annað að frétta nema að ég er enn að leita að helvítis flugnanetinu fyrir gluggann minn og hrossaflugurnar hafa ekki dregið úr árásum sínum og einelti í minn garð síðan á síðasta bloggi... því er nú andskotans verr og miður...
//
Boðskapur dagsins: Dansaðu Dagur! Dansaðu!

2003-06-16T16:21:00.000Z

Jæja, var að koma heim úr úllingavinnunni. Þetta var nú bara ágætur dagur svona, vorum á Seljakoti að reyta erfa og henda mold í hvort annað... já! og grafa gildrur (já, ég veit, við erum nerðir!) en það voru nú samt aðallega ívar og halldór sem stóðu fyrir því, þess má til gamans geta að ég var sú eina sem féll í gildruna enda er ég með eindæmum mikill hrakfallabálkur! Annars var þetta svona tvöfalldur letidagur... mánudagur og svona eiginlegur föstudagur þar sem það er frí á morgun. Ég ákvað að taka áttunda bekkinn í smá kennslustund í vinnubrögðum (= hvernig á að slæpast í vinnunni án þess að verkstjórinn taki eftir því) eftir að hafa komið að þeim við vinnu þegar verkstjórinn var ekki einu sinni nærri! Hugsiði ykkur!
//
Það var enn ein hrossaflugan í herberginu mínu þegar ég vaknaði! ég fékk notturlega flog einsog vanalega og gekk berserksgang með upprúllaðan Mogga sem barefli og náði að lokum að verða fluguafmáninni að bana. Eftir allan æsinginn settist ég niður og komst að þeirri niðurstöðu að eina haldbæra vopnið gegn þessum vágesti væri almennilegt flugnanet í svefnherbergisgluggann... en hvar getur maður annars fengið flugnanet á Íslandi.
//
Boðskapur dagsins: Hmmm...

2003-06-15T19:08:00.000Z

Það eru slatta margir dagar síðan ég skrifaði síðast :/
//
Það hefur svo sem ekkert merkilegt gerst síðan þá... nema þá kannski að ég sigraði gríðarlega stóra og feita hrossaflugu í blóðugri útgáfu af fjölbragðaglímu, vopnuð í þetta sinn klósettpappírssnepli í stað stóls eða brotins boðrfótar. Það er annars alveg magnað hvað þessar annars ógeðslegu flugur sækja mikið í svefnherbergisgluggann hjá mér, hann er einsog yfirgefinn kirkjugarður eftir að glugginn hefur verið skilinn opinn í hálftíma, ég er farin að halda að það sé lyktin af kúluskítnum sem laði þessi kvikindi að. En ég var svona aðeins að pæla í því hver tilgangur þessara flugna væri... það eina sem þær gera er að sjúga rykmaura með löngum, ljótum rana og þeirra er því ekki þörf á stór-Reykjavíkursvæðinu því að (las 'etta í mogganum um daginn) það fundust bara tveir rykmaurar í eitthvað tvöhundruð sýnum sem voru tekin úr rúmum fólks á því svæði... merkilegt nokk! Því legg ég til að þar sem þessi dýrategund hefur engan annan tilgang en að vera ljót og pödduhræddu fólki einsog mér til ama að þær verði gerðar útlægar og sendar til Þýskalands, þar sem Þjóðverjar hafa nú alltaf haft gaman af því að útrýma því sem óæskilegt þykir...
//
En talað um Þjóðverja! Man! Ekki nóg með að þetta lið viti ekki hvað svitalyktareyðir er heldur getur það ekki einu sinni lagt sig fram við að tala almennilega ensku einsog öllu annars heilbrigðum túristum sæmir! Svo ferðast þetta saman í hjörðum og kemur svo í Hagkaup, Mekku nískupúkanna og hallærislega fólksins, og leggur sig fram um að skilja mann ekki þegar maður beitir háþróuðum kana-framburði með skrollum og tilheyrandi... mér er annars vel við Þjóðverja, en bara ef þeir tala ensku.
//
Það var brotist inn til Eydísar um helgina og bilaðri tölvu og tvem hleðslutækjum stolið. Ég vil byðja þessa árangursríku og afkastamiklu þjóðfa um að skammast sín fyrir að hafa nú ekki einu sinni reynt að ná betri árangri... þeir fá þó eitt hæðnisprik fyrir viðleytni.
//
Boðskapur dagsins: Ef þið ætlið einu sinni að stela einhverju... steliði þá með stæl!

2003-06-09T20:45:00.002Z

Þá var loksins komið að því! Í dag fór ég og innritaði mig í hinn sprellfjöruga og ferska, þrátt fyrir elli, Menntaskólann í Reykjavík! Ég er orðin það spennt að ég er tilbúin að láta allt sumarfrí fljóta burt með vindinum og byrja bara í skólanum helst á morgun (já... segiði svo að ég sé EKKI biluð) og ég verð nú bara að segja að slíkt hefur aldrei komið fyrir í mínu tilviki! Já allavega... þarna fórum við mamma og gæddum okkur á dýrindis sprungnum pilsum og engum á meðan um þessa elstu menntastofnun landsins. Margt af því sem fyrir augu bar virkaði mjööög spennandi þó að ljóminn eigi örugglega eftir að falla af því eftir nokkura vikna viðdvöl í skólanum fari það svo (ef guð lofar) að ég fái nú einu sinni inngöngu en þær fréttir fæ ég einhvurntíma eftir 20. maí. Þá er lika gaman frá því að segja að ansi myndarlegur og hreint og beint sætur strákur gaf sig á tal við mig og fræddi mig á hinum ýmsustu kostum skólans og varð meira að segja frá sér numinn af gleði þegar ég sagði honum að ég hafi valið MR í stað Verzló sem átti að vera varaskólinn en vék þó fyrir Kvennaskólanum á síðustu stundu. Jáhá, drengirnir í MR eru nú bara alls kostar sætir og ekki hata mar augnakonfekt á góðviðrisdögum!
Boðskapur dagsins: Ekkert rugl og veljið MR!

2003-06-08T19:13:00.000Z

Ég fór í fyrsta skiptið í nýju vinnuna mína í gær... en þeir sem ekki hafa lesið bloggin hér á undan þá er sú vinna í Hagkaup. Ég var sett á kassa í Herradeildinni að afgreiða allt frá tappatogurum uppí blandara, frá sokkum uppí regngalla og svo framvegis. Mér líkar þetta starf svona ágætlega, einn galli er þó á því að ég varð alveg rosalega þreytt í fótunum eftir alls átta klukkutíma stöðu...
En jæja... vildi svosem deila þessu með ykkur.
Annars er ég að fara að innrita mig í MR á morgun einhverntíma á milli 13-17 :D og er ég orðin alveg hrikalega spennt! Hingað til veit ég aðeins um eina manneskju úr Ölduseli sem ætlar einnig að ganga sama veginn og ég en ég vil endilega fá að vita hvert allir hinir ætla sér...
Verið hress... ekkert stress... bless :D

2003-06-06T22:59:00.000Z

Jæja... sit hér héima hjá henni Eydísi (hún biður að heilsa) og hlusta á tyrkneska Júróvísjónlagið :) er bara farið að líka svona ljómandi vel við það lag... en er samt enn þá á því að Botnleðja hefði tekið þessa keppni í botngatið (hefði hún á annað borð farið út :/) Annars er svona skemmts frá því að segja að við vinkona mín hér kíktum í sund áðan í gamla riðkláfin Laugardalslaug... en þar var margt merkilegt að sjá að vanda ;) (konuperinn kemur stundum upp í okkur stelpunum)... annars er ekkert annað segja...
Verið hress... ekkert stress... bless ;)

2003-06-06T19:08:00.000Z

Kæri sonur,

Ég skrifa þetta bréf hægt af því að ég veit að þú getur ekki lesið mjög hratt.
Við búum ekki lengur þar sem að við bjuggum þegar þú fórst að heiman.
Pabbi þinn las í blöðunum að flest slys gerast innan við 20 mílur frá heimilunum,
þannig að við fluttum.
Ég get ekki sent þér heimilisfangið af því að fjölskyldan sem bjó hérna á undan okkur tók
húsnúmerið þegar þau fluttu til þess að þau þyrftu ekki að breyta heimilisfanginu sínu.

Veðrið er ekki slæmt hérna. Það rigndi bara tvisvar í síðustu viku;
í fyrsta skipti í þrjá daga og í seinna skiptið í fjóra daga.

Varðandi jakkann sem þú vildir að ég sendi þér, þá sagði Stjáni
frændi þinn að hann væri of þungur til að senda í pósti með tölunum,
þannig að við klipptum þær af og stungum þeim í vasana.

Jón læsti lyklunum sínum inni í bílnum í gær. Við erum öll mjög áhyggjufull
vegna þess að það tók tvo tíma að ná okkur pabba þínum út.

Systir þín eignaðist barn í morgun; en ég hef ekki enn komist að því hvers
kyns það er þannig að ég veit ekki hvort það er frænka eða frændi.
Barnið lítur alveg eins út og bróðir þinn...

Annars er ekki mikið meira í fréttum. Það hefur ekkert mikið gerst.

Ástarkveðjur,
mamma.

P.S. Ég ætlaði að senda þér peninga en ég var búin að loka umslaginu..

//

Hehe... þetta er alltaf jafn fyndið

2003-06-06T19:02:00.000Z

Hmmm... ekki búin að vera í grunnskóla í bráðum einn sólahring! Alveg merkilegt finnst ykkur ekki? Nei... vildi bara deila þessu með ykkur :/

2003-06-05T23:30:00.000Z

Jæja, þá er búið að negla það niður: Ég fer í unglingavinnuna :(
Ásamt því að gegna helgarvinnu í Hagkaup á efri hæð Kringlunar þarf ég að burðast með hjólbörur og skóflur forug uppfyrir haus í að minnsta kosti sex vikur þetta sumarið... því er nú verr og miður
Ég á sem sagt að mæta niðrí skóla (nú, maður fær bara að líta þessa undrabyggingu augum í sex vikur í viðbót :D) 10. maí klukkan 8.30 (8.30 TAKK FYRIR... banvítans)... þeir sem fara í Viðey eiga samúð mína alla og þar á meðal Eydís... en já, ég vil endilega fá að vita hverjir verða vinnufélagar mínir þetta sumarið (það er nú frábært að fá að eyða með ykkur sex vikum í viðbót... sjitt hvað ég er orðin eitthvað væmin :/) og ef að ykkur grunar að þið séuð með mér í hóp meigiði bara hafa samband á einn eða annan hátt :)

2003-06-05T23:19:00.000Z

Jæja þá er það búið! Lengsta tímabili ævi minnar (hingað til allavega) er lokið og ég kveð gamla skólann með tár á hvörmum! Hey lítum nú samt á björtu hliðarnar: ÉG ER NÆSTUM ÞVÍ ORÐIN FRAMHALDSSKÓLANEMI :D (ójá börnin góð... ÞAÐ er kúl). Nú hugsa ég bara með vorkunn til allra litlu greyjanna sem eftir urðu (þ.e.a.s. níundi bekkurinn og þeir fyrir neðan)... neee ég vorkenni þeim ekki rassgat :D. En já... ég hefði aldrei getað trúað því en ég á sennilega ekki eftir að hitta sumt af fólkinu sem ég hef séð á nánast hverjum degi í tíu ár fyrr en á rejúníoninu sem guð veit hvenær verður! Nú er bara að byrja að vinna af hörku yfir sumarið (aðallega til að geta keypt föt ;)) og sækja um í MR :D
Að lokum óska ég öllum sem voru að útskrifast til hamingju :*

2003-06-05T18:46:00.000Z

Hmm.... ég kann ekki alveg á þetta ennþá... :/

2003-06-05T18:40:00.000Z

Jæja... þá er aðeins einn og hálfur klukkutími eftir af grunnskólaíverunni!

2003-06-05T13:53:00.000Z

Svona rétt til að setja eitthvað meira inná þá er skemmst frá því að segja að ég fór að sjá hið stórkostlega leikrit Sól og Máni í Borgarleikhúsinu um síðustu helgi, nánar til tekið þann 31. maí. Annað eins hef ég ekki upplifað á minni 16 ára löngu ævi og NEI ég er ekki að segja þetta bara af því að mér finnst Sálin svona frábær (jahh, frábær er nú kannski aðeins of vægt til orða tekið :/). En já, þetta var geðveikt flott, sviðsmyndin og hvað þetta nú heitir og ekki spilltu frábærar lagasmíðar fyrir (hehe ;) ). Ég er ekki frá því að hafa sönglað Sálarlögin í marga daga á eftir og geri það reyndar enn. Það ættu allir að fara að sjá þetta en... þetta var síðasta sýningin :( en að því tilefni ákvað Sálin að taka svona nokkur extra lög í endan...
Hér getiði farið beint inná síðu hljómsveitarinnar...

2003-06-05T13:28:00.000Z

Það er annars nýtt að frétta að útskriftin úr (gamla) skólanum mínum Ölduseli fer fram í kvöld klukkan átta í hátíðarsal skólans! Eftir þessa vígslu má segja að við núverandi tíundu bekkingar teljumst svona nokkurn veginn löglegir framhaldsskólanemar... sem er notturlega bara kúl ;)
Meira hef ég nú ekki að segja í bili enda upptekin að krafla mig fram úr því hvernig þetta andsk... blogg virkar :/

2003-06-05T13:14:00.000Z

Það er nú kannski skemmtilegt að minnast á það að nafn undirritaðar er birt á heimasíðu góðkunningja míns Hjartar... það stórvirki getið þið litið augum hér

Anna

2003-06-05T13:12:00.000Z

Vá! Nú kann ég bara ekkert á þetta!